Umuhanzi Gisa Cy’Inganzo wagomba gukora ubukwe na Barindisezerano Yackin k’Ubunani yemeje ko butakibaye bitewe n’imyitwarire y’umugore we.

Muri Nzeri 2020 nibwo Gisa Cy’Inganzo yateguje abantu ubukwe bwe na Barindisezerano(Save the Date) bwagombaga kuzaba ku wa 1 Mutarama 2021.

Mu gihe habura Iminsi mike ngo itariki y’ubukwe igere, uyu muhanzi yemeje ko ubukwe bwe butakibaye bitewe n’imyitwarire y’umukunzi we.

Ati"Uko umarana n’umuntu igihe, ugenda wiga imico ye. Ntabwo wakwirahuriraho umuriro uwureba. Twafashe umwanzuro wo kubwigiza inyuma kugira ngo turebe niba imyitarire ye yayihindura, n’ababyeyi barabimenye."

Gisa akomeza avuga ko we n’umukunzi we bamaze igihe batavugana ndetse atazi aho ari, gusa ngo aramutse aje amusaba imbabazi yazimuha n’ubwo yirinze kuvuga icyo bapfuye.

Gisa Cy'Inganzo yavuze ko yahisemo kwigiza ubukwe bwe inyuma

Gisa Cy'Inganzo yari yateguje abantu ubukwe bwe

)