Umuhanzikazi Ariel Ways yemeye gushyira ibiganiro yagiranye na Juno Kizigenza bavuzwe mu rukundo bakaba batagicana uwaka, ni nyuma y’uko uyu muhanzi na we yari amaze gutanga nimero ye ya telefoni ku karubanda.

Amezi 6 yari ashize Ariel Ways na Juno Kizigenza bagaragarizanya umubano udansanzwe, ndetse bivugwa ko banakundanaga.

Mu mpera z’Ukuboza 2021, ka kanwa kavagamo amagambo meza buri umwe abwira mugenzi we, katangiye kuvamo amagambo y’uburakari bwinshi cyane, atwika nk’umuriro w’itanura, imvugo zari zuzuye icyizere zahindutsemo iz’amaganya.

Byatangiye Ariel Ways ajya kuri Twitter ye akandika ati “Gutenguhwa ntabwo bijya bishira, nibwiraga ko uyu atandukanye n’abandi ariko ndakeka naribeshye.”

Juno Kizigenza na we abinyujije kuri Instagram yaciye amarenga y’uko nta mukunzi agifite.

Ibintu byaje kuba bibi cyane ubwo Juno Kizigenza yarimo aganira n’abakunzi be Live kuri Instagram agatanga nimero ya Ariel Ways.

Ariel Ways yafashe agace gato k’aya mashusho agashyira kuri Twitter ye maze gaherekezwa n’amagambo agira ati “uhisemo gutanga nimero yanjye? Ni cyo gihe cyo kukwereka uwo ndiwe.(hari amagambo twakuyemo bitewe n’uko ari ibitutsi)”

So the Mf gave out my number? 😒
It’s that time to show you my true color Dumb ass niggah 😭😭 pic.twitter.com/lbBtX7k6tn

— Arielwayz (@arielwayz) January 4, 2022

Iyi post yakurikiwe n’indi igira iti “guceceka ntibyigeze biba ibintu byanjye.”

Aha nibwo Ariel Ways yahise asangiza abamukurikira ikiganiro yagiranye na Juno Kizigenza ari nacyo kirimo izingiro ry’icyo aba bahoze bakundana bapfuye.

Iyo usomye ubu butumwa, bigagaraga ko Ariel Ways yababajwe cyane n’uko Juno yamubeshye, aho yamubwiye ko yagiye i Nyamata gusangira Noheli n’umuryango kumbe yibereye ku Gisenyi n’uwahoze ari umukunzi we uba mu mahanga.

Ni ikiganiro bagiranye tariki ya 27 Ukuboza 2021, Ariel Ways avuga ko uyu musore ubwo yajyaga ku Gisenyi yamukuye mu bantu bashobora kureba ibyo yashyize kuri Snap Chat ariko yirengagiza ko inshuti zabo ari zimwe kubimenya byoroshye.

Yumvikana avuga ko yamukunze ariko Juno we amukinishiriza umutima, kuko bisa nk’aho yamukoresheje ashaka kugira ngo akomeze avugwe mu ruganda rw’imyidagaduro.

Muri ubu butumwa Juno Kizigenza we ntabwo yigeze yemera ko ibyo ashinjwa ari byo cyane ko yavugaga ko nta kimenyetso uyu mukobwa afite, amusaba gutuza akagabanya uburakari.

Aba baombi bagiye baca amarenga y’urukundo cyane cyane mu mashusho y’indirimbo bagaragara bakina urukundo nko mu ndirimbo ’Away’ bakoranye na Birenze ya Juno Kizigenza

pic.twitter.com/DD0iyo2GmP

— Arielwayz (@arielwayz) January 5, 2022

pic.twitter.com/76G7GgwVz3

— Arielwayz (@arielwayz) January 5, 2022

Yashyize hanze ibiganiro bye na Juno Kizigenza

Bagiranye ibihe byiza ubwo bari mu buryohe bw'urukundo

Mu ndirimbo ntibatinyaga gukina urukundo

Barisanzuraga batitaye aho bari

Ubu basigaye barebana ay'ingwe

)