Ruhamiriza Sauver na Didier Gaga nibo banyarwanda rukumbi bari mu basifuzi 22 bazasifura imikino y’irushanwa rya Basketball Africa League(BAL) rizabera mu Rwanda guhera muri iki cyumweru.

Iri rushanwa rizabera muri Kigali Arena aho rizaba ririmo n’ikipe yo mu Rwanda ari yo Patriots BBC, rizatangira tariki ya 16 risozwe ku wa 30 Gicurasi.

Impuzamashyirahamwe y’umukino wa Basketball ku Isi ‘FIBA’ ikaba yamaze gutangaza abasifuzi 22 bazasifura iyi mikino aho harimo 2 b‘abanyarwanda Ruhamiriza Sauver na Didier Gaga.

Muri rusange ni irushanwa rizaba rigizwe n’amakipe 12 yose azakinira muri Kigali Arena, aya makipe agabanyije mu matsinda 3.

Itsinda A: Patriots BBC(Rwanda), Rivers Hoopers(Nigeria), US Monastir(Tunisa) na GNBC(Madagascar)

Itsinda B: AS Sale(Maroc), Petro de Luanda(Angola), FAP(Cameroun) ma AS Police(Mali)

Itsinda C: Zamalek(Misiri), GS Petroliers(Algeria), Ferroviario de Maputo(Mozambique) na AS Douanes(Senegal).

Jean Sauveur(15) na Gaga(59) abanyarwanda rukumbi bazasifura BAL

Kigali Arena niyo izakira BAL

)