Abakinnyi 4 ba ruhago batunze Private Jet zihenze kurusha abandi (AMAFOTO)
![](local/cache-vignettes/L50xH50/auton4-e92ba.png?1725731169)
![Abakinnyi 4 ba ruhago batunze Private Jet zihenze kurusha abandi (AMAFOTO)](local/cache-gd2/06/1ae90a5b41d92c6b014d4c757c4932.jpg?1725753993)
Abakinnyi b’umupira w’amaguru babigize umwuga, ni bamwe mu batunze agatubutse ndetse babariwa no mu baherwe ku Isi, muri iyi nkuru turagaruka ku bakinnyi ba ruhago bane batunze indege yihariye "private jet" zihenze kurusha abandi.
4. Paul Pogba
![](local/cache-gd2/35/da86e5a2a07633cb3c960138f84424.jpg?1725753993)
Ni umukinnyi w’umufaransa ukina mu kibuga hagati mu ikipe ya Juventus yo mu Butaliyani.
Ni umwe mu binjiza agatubutse, akaba atunze private jet yo mu bwoko bwa Gulfstream G280. Iyi ndege bivugwa ko ikoresha umuvuduko wa km 850/h. Ifite agaciro ka miliyoni 20 z’amadorali.
3. Neymar Jr
![](local/cache-gd2/83/0abb539e49ceaf8c38ccec793637eb.jpg?1725753993)
Ni umunya-Brazil ukinira ikipe ya Al Hilal yo muri Saudi Arabia, atunze private jet ya Cessna Citation Sovereign itwara abantu bagera muri 12, iba ifite umuvuduko wa km 890/h. Iyi ndege ikaba ifite agaciro ka miliyoni 22 z’amadorali.
2. Lionel Messi
![](local/cache-gd2/da/ff8688746197faaf442c29916f66f4.jpg?1725753993)
Umunya-Argentine we ukinira Inter Miami muri Leta Zunze Ubumwe za Amerika, Lionel Messi we agendera muri Gulfstream V ifite ubushobozi bwo gutwara abantu 16 bicaye neza, iyi ndege ushobora kuryama nta kibazo, ifite ubwiherero bubiri kandi burimo n’ubwiyuhagiriro. Ifite agaciro ka miliyoni 45 z’amadorali.
Iyo iyi ndege uyirebeye inyuma iriho umubare 10, nimero uyu mukinnyi akina yambaye mu mugongo.
1. Cristiano Ronaldo
![](local/cache-gd2/82/050475e720267ac8722c9bba2566d9.jpg?1725753993)
Ku mwanya wa mbere w’abakinnyi batunze private jet zihenze kurusha abandi hari Cristiano Ronaldo ukinira Al Nassr muri Saudi Arabia akaba na kapiteni w’ikipe y’igihugu ya Portugal, agandera muri private jet yo mu bwoko bwa Gulfstream G650 ishobora gutwara abantu 18. Iyi ndege ye ikaba ifite agaciro ka miliyoni 65 z’amadorali.
)
Ibitekerezo