Agace ka mbere ka Tour du Rwanda 2024 kakinwe ejo hashize kagizwe impfabusa maze hemezwa ko isiganwa nyir’izina ritangira uyu munsi ku wa Mbere tariki ya 19 Gashyantare 2024.

Ejo hashize ku Cyumweru tariki ya 18 Gashyantare 2024 ni bwo Tour du Rwanda 2024 yatangiye aho hakinwe agace ko gusiganwa n’ibihe ariko ku makipe ’Team Time Trial’.

Ni isiganwa ryahagurukiye kuri Kigali Arena mu makipe [imwe ukwayo], banyure Contrôle Technique, KIE, Rwahama, Chez Lando, Prince House, Sonatube, Kicukiro Centre, Rwandex, Kanogo, Ahahoze Cadilac, Kimicanga, Ku Kabindi na KCC ku ntera y’ibilometero 18,3. Maze birangira Soudal Quick-Step Devo Team ari yo ihize andi makipe na Jonathan Vervenne yambara umwambaro w’umuhondo.

Gusa mu buryo bwatunguye ni uko amanota yo kuri aka gace yakuweho hifashishijwe amategeko yihariye ya Tour du Rwanda.

Ni agace kakinwe hitegurwa Shampiyona y’Isi y’amagare izabera mu Rwanda muri 2025. Bivuze ko ibihe bitangirwa kubara uyu munsi mu gace Muhanga - Kibeho ku ntera y’ibilometero 130.

Amanota yakuweho na Jonatan yamburwa umwenda w'umuhondo

)