Umwaka w’imikino wa 2020-2021 ku mugabane w’u Burayi warasojwe bamwe mu bakinnyi bongerewe amasezerano abandi bahindura amakipe, ni mu gihe hari n’abo amasezerano yabo yarangiye ariko kugeza ubu ntiharamenyekano aho bazajya, ubu bakaba ari abakinnyi badafite akazi.

Iyi kipe y’abakinnyi 11 beza basoje amasezerano yakozwe n’ikinyamakuru SKY Sports, hagaragaramo amazina akomeye nka Lionel Messi wasoje amasezerano muri FC Barcelona ariko akaba atarongera ndetse nta n’indi kipe arasinyira.

Uretse uyu mukinnyi kandi hari na myugariro w’umunya-Espagne, Sergio Ramos nawe udafite ikipe nyuma yo gusezera muri Real Madrid hari kandi na mwene wabo wakiniraga Manchester United, Juan Mata na we wasoje amasezerano.

Sky Sports mu izamu yahashyizemo umunyezamu w’Umutaliyani umaze imyaka 5 akinira AC Milan, Gianluigi Donnarumma aho yasoje amasezerano akaba nta n’ibiganiro aragirana n’iyi kipe kugira ngo yongere amasezerano.

Mu mutima w’ubwugarizi harimo Sergio Ramos watandukanye na Real Madrid nyuma y’imyaka 16 ayikinira, bivugwa ko ashobora kwerekeza muri Paris Saint Germain mu Bufaransa, akaba yaba afatanya na Jerome Boateng w’imyaka 32 wasoje amasezerano muri Bayern Munich yo mu Budage aho bivugwa ko ashoora kwerekeza muri Tottenham.

Uruhande rumwe haba hanyura umunya – Albania wari umaze imyaka 6 akinira Napoli mu Butaliyani, Elseid Hysaj akaba yaba yunganirwa ku rundi ruhande na Ezgjan Alioski ukomoka muri Macedonia akaba we yarasoje amasezerano muri Leeds yo mu Bwongereza.

Mu kibuga hagati bakoresheje abakinnyi batatu, Juan Mata umunya- Espagne usoje amasezerano muri Manchester United aho bivugwa ko ashobora kongererwa ariko bikaba bitaraba, akaba ari kumwe na John Lundstram, uyu mukinnyi w’imyaka 27 asoje amasezerano muri Sheffield United na Jeffrey Schlupp usoje amasezerano muri Crystal Palace ariko akaba atifuza kongera amasezerano iyi kipe.

Ubusatirizi bwaba buyobowe na Lionel Messi ukomoka muri Argentine ariko akaba yarasoje amasezerano muri FC Barcelona ariko akaba atarongera ariko amakuru avuga ko ibiganiro birimbanije.

Hari kandi Stevan Jovetic w’imyaka 31 usoje amasezerano y’imyaka 4 muri Monaco na Josh King rutahizamu w’imyaka 29 wakiniraga Everton mu Bwongereza.

11 beza basoje amasezerano i Burayi

Sergio Ramos yamaze gusezera kuri Real Madrid ariko akaba nta kipe arabona

Lionel Messi ari mu bakinnyi badafite akazi ubu

Mata yasoje amasezerano muri Machester United

)