Ikipe ya APR FC yamaze kwemeza abakinnyi bashya 6 yaguze nk’uko twabivuze mu nkuru zacu zatambutse, abo yongereye amasezerano batanu ndetse na batatu yasezereye itazakomezanya nayo.

Ibinyujije ku rubuga rwayo, APR FC yavuze ko mu rwego rwo kwitegura imikino Nyafurika ya CAF Champions League bongeyemo amaraso mashya.

Aba bakinnyi bakaba barongewemo hagendewe k’ubusabe bw’umutoza Adil Erradi Mohammed utoje iyi kipe imyaka 2 ndetse yegukanamo ibikombe bibiri bya shampiyona.

Ku ikubitiro, APR FC yongeyemo abakinnyi batandatu bashya bavuye mu makipe atandukanye barimo Karera Hassan wavuye muri AS Kigali ariko akaba yari intizanyo ya Kiyovu sports, Kwitonda Alain (Bacca) wavuye muri Bugesera FC, Nsengiyumva Ir’shad wavuye muri Marines FC, Mugisha Bonheur wavuye muri Mukura VS (akaba yari intizanyo ya Heroes FC), Nsabimana Aimable wavuye muri Police FC na Mugisha Girbert wavuye muri Rayon Sports, aba bose bakaba barasinye imyaka 2.

Uretse aba bakinnyi kandi, iyi kipe yongereye amasezerano abakinnyi bayo batanu, aba bakinnyi Niyonzima Olivier Seif, Niyomugabo Claude na Nizeyimana Djuma bongereye imyaka 2, Manishimwe DJabel yasinye imyaka 4 ni mu gihe Rwabuhihi Aime Placide yongereye imyaka 3.

Iyi kipe kandi yemeje ko itazakomezanya n’abakinnyi 3 yarekuye ngo bajye gushakishiriza ahandi barimo umunyezamu Rwabugiri Umar, Muhsimiyimana Mohammed na Danny Usengimana.

Nsabimana Aimable asinyira APR FC

Kwitonda Alain Bacca wakiniraga Bugesera FC yasinyiye APR FC

Bonheur yari intizanyo ya Heroes muri Mukura VS

Nsengiyumva Ir'shad yasinyiye APR FC

Karera Hassan asinyira APR FC

Mugisha Gilbert yasinye imyaka 2 muri APR FC

Rwabuhihi Aime Placide yongereye imyaka 3

Nizeyimana Djuma

Niyomugabo Claude

Manishimwe Djabel

Niyonzima Olivier Seif yamaze kongera amasezerano muri APR FC

Mushimiyimana Mohammed na we yatandukanye na APR FC

Danny Usengimana we yamaze kugera muri Police FC

Rwabugiri Umar yarekuwe na APR FC

)