Haringingo Francis uheruka muri Rayon Sports, yirukanywe mu ikipe atamaze kabiri
![](local/cache-vignettes/L50xH50/auton4-e92ba.png?1725731169)
![Haringingo Francis uheruka muri Rayon Sports, yirukanywe mu ikipe atamaze kabiri](local/cache-gd2/be/0d69eb6868117303711f5dc19e0ad9.jpg?1725760003)
Amezi abiri yonyine yari ahagije ngo ikipe ya Sofapaka FC yo muri Kenya yirukane Umurundi watoje Rayon Sports, Haringingo Christian Mbaya.
Tariki ya 3 Kanama 2023 nibwo iyi kipe ya Sofapaka yo muri Kenya mu cyiciro cya mbere yatanagaje uyu mutoza nk’umutoza mukuru wayo.
Haringingo wari uvuye mu Rwanda ahesheje Rayon Sports igikombe cya shampiyona ntabwo yahiriwe muri Kenya kuko umusaruro mubi watumye ahita yirukanwa.
Yari amaze gutoza imikino 5 ya shampiyona ya 2023-24 aho nta n’umwe yabashije gutsinda uretse kunganya na Gor Mahia 1-1 mu mukino ufungura shampiyona wabaye tariki ya 26 Kanama 2023.
Ku munsi wa kabiri wa shampiyona yahuye na Bandari FC imutsinda 1-0, umunsi wa 3 yahuye na Posta Rangers imutsinda 3-1, umunsi wa 4 yatsinzwe na Ulinzi Stars 1-0 ni mu gihe ku wa Gatandatu w’icyumweru gishize yatsinzwe na Nairobi City Stars 2-1.
![](local/cache-gd2/fa/dc98fd549a5674286ef0f0f3c9f422.jpg?1725760003)
Ibitekerezo