Ibiganiro bya Messi n’umutoza mushya wa Barcelona byateye benshi impungenge
Nk’uko radiyo ya RAC1 yo muri Espagne ibitangaza, ivuga ko umukinnyi w’icyamamare muri Barcelona ukomoka muri Argentine, Lionel Messi, yabwiye umutoza mushya w’iyi kipe Ronald Koeman ko nta gahunda afite yo kuguma muri iyi kipe.
Ibi bivuzwe nyuma y’uko Messi abonanye imbona nkubone n’umutoza mushya wa Barcelona Koeman, wasinye amasezerano y’imyaka ibiri nk’umutoza w’iyi kipe, ni nyuma yo gutsindwa na Bayern Munich 8-2 muri ¼ cya Champions League.
Iyi radiyo ivuga ko yabwiye umutoza ko ubu nta cyizere afitiye perezida w’iyi kipe, Josep Bartomeu kuko areba inyungu ze ku giti cye.
Uyu mutoza mushya wa Barcelona yavuze ko bigoye kumvisha Messi kuguma muri iyi kipe n’ubwo agifite amasezerano y’umwaka.
Ati“Aracyafite amasezerano y’umwaka umwe muri Barcelona ariko sinzi uko nshobora kumwemeza kuguma mu ikipe."
Amakuru avuga ko Messi ashobora kwerekeza mu ikipe ya Manchester City itozwa n’umutoza mukuru Pep Guardiola wanamutoje muri Barcelona.
Pep Guadiola yatangiye kumvisha ubuyobozi bw’ikipe ngo babe bazana uyu mugabo w’imyaka 33 muri Manchester City.
Ibitekerezo
Habanabashaka Valens
Ku wa 22-08-2020Uriya Mwana Ishimwe Igaba nukumurenganya Ku myaka one(4) nta kintu umwana aba yari bwamenye buriya ibyazi ni ibyo muri Norvege yakuriyemo.
Messi we niyigendere ibyo yagombaga gukorera i Catalogña yarabikoze. Ubu ibya Barça mbona ari ibimwangiriza izina.
Aho azajya hose nzamugwa inyuma UMWAMI WA BALLON
itangishaka fils
Ku wa 22-08-2020ubundi lionel messi ashaka ko bazaza bahora batsinda, irakipe yarabakoreye babere tse imwanya bahoraga bihekenyera shikareti ,cyane cyane abadefanseri ba barc ntibo bakwiyirukana ?