Biravugwa ko Umulisa Eric usanzwe ukurikirana abakinnyi bafite inkomoko mu Rwanda bakina hanze yarwo ari we ugiye kugirwa Team Manager w’ikipe y’igihugu y’u Rwanda asimbura Rutayisire Jackson.
Amakuru avuga ko nyuma y’uko Amavubi ashobora guterwa mpaga ku mukino wa Benin kubera gukinisha Muhire Kevin wari ufite amakarita 2 y’umuhondo, Rutayisire Jackson usanzwe ari Team Manager w’ikipe y’igihugu ashobora gusezererwa kuri uyu mwanya.
Nubwo CAF yohereje raporo ivuga ko Kevin nta makarita 2 afite, Jackson nka Team Manager yakagombye kuba abizi ndetse akanabimenyesha abatoza ariko amakuru avuga ko atigeze anabagaragariza impungenge z’uko uyu mukinnyi afite amakarita atamwemerera gukina uyu mukino nubwo CAF yari yagaragaje ko ari Sahabo gusa utemerewe.
Amakuru avuga ko umwanzuro wamaze gufatwa wo gusezerera Jackson kuri uyu mwanya ndetse n’umusimbura we yabonetse.
Amakuru agera ku kinyamakuru ISIMBI ni uko umutoza Carlos Alos Ferrer yasabye ko Umulisa Eric usanzwe umenyereweho gukurikirana abakinnyi bafite inkomoko mu Rwanda bakina hanze yarwo akabatangariza abatoza n’abayobozi ba FERWAFA ngo babavugishe, ari we yifuza ko yaba Team Manger mushya.
Bivugwa umutoa yanyuzwe n’uburyo uyu musore akora aka kazi bityo ko bakoranye noneho mu buryo bweruye byamufasha ndetse bakaba baranamwemereye.
Eric Umulisa, ISIMBI yamenye ko hari n’ibiganiro by’ibanze byabaye ku buryo nta gihindutse ubwo Amavubi azaba ahamagawe azaba ari we Team Manager mushya w’ikipe y’igihugu.
Ibitekerezo
Plummer
Ku wa 23-04-2023Uyumusore arashoboye Gusa icyokuba team manager wamavubi ntago nagishigikira byaba byiza bamuhaye indi post bigendanye nubuhanga afite ndetse nibyo akora nahokucya team manager wamavubi byaba byiza babishyizemo umuntu ubisobanukiwe cyane kurenza abandi hirindwako amakosa yabaye yazongera kubaho murakoze!