Nyuma yo kubona ikipe yo muri Zambia, rutahizamu w’umunyarwanda Issa Bigirimana n’ubwo yari yasinyiye Rayon Sports ku buntu, iyi kipe igomba kwishyurwa ibihumbi 2.5 by’amadorali kugira ngo ayisohokemo.

Muri Nyakanga 2020, nibwo Issa Bigirimana yasinye amasezerano y’umwaka umwe muri Rayon Sports.

Ubwo yasinyiraga iyi kipe nta mafaranga yahawe(recruitment fees), bemeranyijwe umushahara ubundi bumvikana nihagira ikipe yo hanze y’u Rwanda iza imwifuza bazahita bamureka akagenda nta mananiza ubundi Rayon Sports ikishyurwa 2500 by’amadorali, ni ukuvuga miliyoni 2 n’ibihumbi 400 by’amafaranga y’u Rwanda.

Ibi rero nibyo ikipe ya Forest Rangers yo muri Zambia isabwa gukora nyuma yo gushima uyu musore ndetse bakamusinyisha umwaka umwe ku wa 8 Ukwakira 2020.

Issa Bigirimana yakiniye amakipe atandukanye, APR FC na Police FC zo mu Rwanda, Young Africans yo muri Tanzania, ubu akaba yari yarasinyiye Rayon Sports batandukanye nta mukino n’umwe ayikiniye.

Issa Bigirimana arishyura 2500$ kugira ngo asohoke muri Rayon Sports

)