![Rayon Sports yahaye akazi umutoza wayikiniye](local/cache-gd2/8d/b2dee85003f1c23d2d5b54c3c39266.jpg?1725754578)
Rayon Sports yamaze kwemeza Lawrence Webo nk’umutoza mushya w’abanyezamu b’iyi kipe asimbura umugande, Samuel Mujabi Kawalya baheruka gutandukana.
Tariki ya 8 Mutarama 2024 ni bwo Rayon Sports yatangaje ko yatandukanye n’uwari umutoza w’abanyezamu ba yo, Umugande, Samuel Mujabi Kawalya.
Ibinyujije ku mbuga nkoranyambaga za yo, yemeje ko Lawrence Webo wigeze kuyikinira ari umunyezamu ari we mutoza mushya w’abanyezamu ba yo.
Lawrence Webo akaba ari umunya-Kenya wakiniye Rayon Sports kuva 2006-2009, yayivuyemo nta gikombe abashije kuyihesha.
Lawrence Webo aje muri Rayon Sports nyuma yo gutoza amakipe nka AFC Leopards ndetse n’ikipe y’igihugu ya Kenya.
![](local/cache-gd2/16/80543b0054c00a4082fb55d8e0adb0.jpg?1725754578)
Rayon Sports yamuhaye ikaze
![](local/cache-gd2/b4/e8ed04d2a772bc2813a4cc24751e74.jpg?1725754578)
Lawrence Webo yakiniye Rayon Sports
Ibitekerezo