Ingabire Pascaline wamamaye nka Samantha muri sinema Nyarwanda ari mu byishimo bikomeye nyuma yo kwibaruka ubuheta.

Amakuru agera ku kinyamakuru ISIMBI ni uko uyu mugore umaze kwandika izina muri sinema Nyarwanda amaze icyumweru kirenga yibarutse.

Ni umwana wa kabiri we n’umugabo we Kamanzi bakoze ubukwe muri 2019 bibarutse, ni nyuma y’uko kandi bagize ibyago umwaka ushize bagapfusha ubuheta (umwana wari uwa kabiri) wari wavutse yahuriranye n’isabukuru ya Samantha, ni umwana witabye Imana ataramara n’icyumweru avutse.

Urugendo rwo gukina filime rwa Ingabire Pascaline ruhera muri filime “Igikomere” yakinnyemo asimbura mugenzi we bari bajyanye utarabashije kumvikana n’abakinishaga iyi filime.

Ni filime yatumye yumva ko yatangiye gukabya inzozi ndetse agira n’icyireze cy’uko azakina no mu zikomeye agahabwa n’umwanya munini.

Yakinnye kandi muri filime “Urwishigishiye” nk’umukinnyi w’imena, akina muri filime yitwa “Angel”, “Mika” n’izindi kugeza kuri filime yitiriwe “Samantha” yatumye agira ijambo rikomeye.

Samantha yibarutse ubuheta

)