Rutahizamu w’umunya-Ghana ukinira Yanga yo muri Tanzania, Michael Sarpong wanyuze muri Rayon Sports we na Yacouba Sagne bahawe inshingano n’umutoza w’iyi kipe, Zlatko Krmpotic zo gutsinda igitego buri mukino.
Ibi uyu mutoza wanyuze mu Rwanda atoza APR FC, yabibwiye abakinnyi be nyuma yo gutsinda ibitego 3 mu mikino 3 ya shampiyona(nabyo harimo 1 cya rutahizamu gusa), akaba abona ubusatirizi bwe budakora akazi nk’uko bikwiye.
Uyu mutoza yavuze ko afite impamvu iyo ari yo yose yo gusaba ba rutahizamu be barimo Michael Sarpong na Yacouba Sagne gukora ibishoboka byose bakamenya ko buri mukino batsinze ibitego.
Yagize ati"Rimwe na rimwe, umusaruro ni mwiza kuri twe kuko bidufasha kugera ku ntego n’ubwo tutaragera ku byiza buri wese muri twe yifuza."
Yakomeje aira ati"dufite umubare muto w’ibitego twatsinze kuva shampiyona yatangira, ni ikibazo turimo gukoraho kugira ngo twizere neza ko ba rutahizamu bacu(cyane cyane Sarpong na Yacouba) batsinda ibitego bihagaije kuko niba dutsinda umukino ariko nta bitego byinshi bizaba ikibazo mu minsi iri imbere, bigomba guhinduka."
Mu mikino 3 ya shampiyona iyi kipe imaze gukina, yatsinzemo imikino2, banganya umwe. Banganyije 1-1 na Tanzania Prisons, batsinda Mbeya City 1-0 banatsinda Kagera Sugar 1-0.
Muri ibi bitego 3 harimo igitego 1 cya rutahizamu Michael Sarpong cyo ku mukino wa Tanzania Prisons, icyo ku mukino wa Mbeya City cyatsinzwe na Lamime Moro ukina mu bwugarizi, icyo ku mukino wa Kagera Sugar cyatsinzwe na Mukoko Tonombe ukina mu kibuga hagati.
Ibitekerezo