![Umukinnyi wa APR FC yamaze kubagwa](local/cache-gd2/e8/71b0e69c48ef2fdcd8c3b64f55be03.jpg?1725756250)
Nsengiyumva Ir’shad ukina hagati mu kibuga muri APR FC, yamaze kubagwa imvune yo mu ivi yari amaranye igihe.
Ku wa Mbere w’iki cyumweru tariki ya 9 Nzeri 2023 nibwo uyu mukinnyi wari umaze igihe adakina yabazwe imvune yo mu ivi ry’iburyo yari amaranye igihe.
Uyu mukinnyi akaba imvune ye yarabagiwe mu Bitaro bya Gisirikare i Kanombe, bikaba byaragenze neza.
Kuva uyu mwaka w’imikino wa 2023-24 watangira ntabwo Ir’shad arakinira APR FC umukino n’umwe kubera imvune yagize mu mwaka w’imikino ushize.
Yaje gukira ndetse atangira imyitozo ariko nyuma aza kongera gutonekara mu ivi ari nabyo byamuviriyemo kubagwa.
Uyu ni umwaka wa 3 wa Nsengiyumva Ir’shad muri APR FC utaragize amahirwe yo kubona umwanya uhagije wo gukina muri iyi kipe yagezemo avuye muri Marines FC.
![](local/cache-gd2/50/e72079379167462201bfd058dd7eb2.jpg?1725756250)
Ibitekerezo
Ishimwe bertin aristide
Ku wa 12-10-2023Niyihangane imana izamufasha akire ubundi abone nuwo mwanya wogukina