![Umukino wa Rayon Sports, APR FC izawukinana umwambaro w’amateka](local/cache-gd2/19/e189a8d645ff7ef864b3ea07ad63ef.jpg?1725755600)
APR FC yamaze kwemeza ko umukino wa Rayon Sports izawukinana umwambaro w’amateka akomeye yaherukaga gukinana mu 1996.
Nk’uko iyi kipe y’Ingabo z’Igihugu yabishyize ku rukuta rwayo rwa Twitter, yavuze ko uyu mwambaro ari wo yakinanye ku mukino wa nyuma w’Igikombe cya Gisirikare (Osma) mu 1996 mu mukino wabereye kuri Stade Amahoro, ikaba izawugarura ku mukino w’umukeba, Rayon Sports.
Ni umwambaro w’umukara n’umweru nk’ibara iyi kipe isabzwe yambara ariko ukozwe mu buryo butandukanye n’imyambaro iyi kipe isanzwe ikinisha.
Uyu mukino uzaba ku Cyumweru tariki ya 29 Ukwakira 2023 ubere kuri Kigali Pele Stadium saa 15h00’, uzaba ari umukino w’umunsi wa 9 wa shampiyona y’icyiciro cya mbere mu Rwanda umwaka w’imikino 2023-24.
Ni umukino APR FC izakira iri ku mwanya wa kabiri ku rutonde rwa shampiyona n’amanota 17 inganya na Musanze FC ya mbere ni mu gihe Rayon Sports ari iya 5 n’amanota 12.
Imikino 3 iheruka guhuza aya makipe yomba ikaba yaratsinzwe yose na Rayon Sports aho umukino uheruka wari uwa Super Cup yawutsinze ibitego 3-0.
![](local/cache-gd2/2a/e50eb2350b9569d6e32a911813eeb0.jpg?1725755600)
Ibitekerezo
Itangishaka Pascal
Ku wa 27-10-2023Ndi burundi mu rugombo nkunda rayon sport kandi imyambaro ntiteye ubwoba
Itangishaka Pascal
Ku wa 27-10-2023Ndi burundi mu rugombo nkunda rayon sport kandi imyambaro ntiteye ubwoba