Byari ibyishimo bikomeye mu gitaramo cyo kwizihiza imyaka 22 umuhanzikazi w’indirimbo zo kuramya no guhimbaza Imana, Aline Gahongayire amaze mu muziki.

Ni igitaramo cyaraye kibaye ejo hashize ku Cyumweru tariki ya 30 Ukwakira 2022 muri Kigali Serena Hotel aho kitabiriwe n’ibyamamare bitandukanye.

Iki gitaramo yahaye izina rya “Glory Thanksgiving Gala Night” mu rwego rwo kwishimira ibyiza yagezeho mu myaka 22 amaze mu muziki, yafashijwe n’umuhanzi Niyo Bosco.

Nyuma y’uko itsinda ry’abaririmbyi ryashyuhije abantu bari bitabiriye iki gitaramo ryari risoje, Aline Gahongayire yahise aza ku rubyiniro aririmba indirimbo zirimo “Ndanyuzwe”, “Nta banga”, “Iyabivuze”, “Warampishe”, “Hari impamvu” n’izindi aho yahise aha umwanya Serge Rugamba ngo na we yerekane impano ye.

Hahise hakurikiraho Niyo Bosco maze ahera ku ndirimbo ye itarajya hanze y’icyongereza maze ahita ahamagara Aline Gahongayire ngo baririmbane indirimbo bakoranye yitwa "Izindi Mbaraga".

Gahongayire yahise yanzika n’indirimbo ye yise “Ndanyuzwe”. Yavuze ko iyi ndirimbo yayikorewe na Ishimwe Clement akunze kwita Bishop we. Ati “Iyi ndirimbo iri kuri album yanjye ya karindwi yakozwe na Bishop Clement. Clement arahari? Uriya niwe producer wanjye!”

Muri iki gitaramo Aline Gahongayire yafashe umwanya azirikana Yvan Buravan uheruka kwitaba Imana.

Ni igitaramo cyitabiriwe n’ibyamamare bitandukanye byiganjemo abo mu myidagaduro.

Amwe mu mazina azwi yitabiriye iki gitaramo harimo Rev. Dr Antoine Rutayisire, Ntarindwa Diogène [Atome], Massamba Intore, Ruti Joel, Boubou, Jules Sentore, umuramyi Simon Kabera, Niyo Bosco, Nel Ngabo, Bishop Dr Fidele Masengo, Producer Ishimwe Clement washinze Kina Music, Igor Mabano, Pastor Barbara Umuhoza, Mike Karangwa, Ingabire Marie Immaculée uyobora Transparency International Rwanda, YAGO, Fatakumavuta, Chita Magic, Dj Brianne, n’abandi.

Byari ibyishimo kuri Aline Gahongayire wizihizaga imyaka 22 amaze mu muziki

Intore Massamba na we yari yitabiriye iki gitaramo

Ibyamamare bitandukanye byari byitabiriye iki gitaramo

Umunyamakuru Chita Magic n'umufasha we, Batamuriza Yvette bari bitabiriye iki gitaramo

Umunyamakuru Mike Karangwa n'umugore we bari bafashijwe

Dj Brianne yari ahabaye

Umuyobozi wa Transparency International Rwanda, Ingabire Marie Imaculée na we yari yaje gushyigikira Aline Gahongayire

Rev. Dr Antoine Rutayisire ni umwe mu bantu bitabiriye iki gitaramo cyo kwishimira imyaka 22 Aline Gahongayire amaze mu muziki

Nel Ngabo asanzwe ari mubyara wa Aline Gahongayire yahawe umwanya araririmba

Umuhanzi Rugamba Serge umuhanzi ufite impano itangaje

Aline Gahongayire yaririmbanye na Niyo Bosco

Niyo Bosco yanyuze benshi

Serge na Aline Gahongayire ku rubyiniro

Umuhanzi Jules Sentore yari ahabaye

Abanyamakuru Yago na Fatakumavuta

Aline Gahongayire n'itsinda ry'abaririmbyi n'abacuruzi bamufashije

Barbara na Atome ni bo bayoboye iki gitaramo

AMAFOTO: Muhizi Marlon

)