Los Angeles Lakers mu rukerera rw’uyu wa Mbere yegukanye shampiyona ya Basketball muri Leta Zunze Ubumwe za Amerika (NBA) itsinze Miami Heat imikino 4 muri 6 bakinnye.

Ni igikombe yegukanye ku nshuro ya 17, hari nyuma y’imyaka 10 itazi uko gisa kuko yagiherukaga muri 2010.

Umukino wahesheje igikombe LA Lakers wabaye mu rukerera rw’uyu wa Mbere, ukaba wari umukino wa nyuma wa 6. LA Lakers yaje kuwutsinda ku manota 106 kuri 93 ya Miami Heats.

LA Lajers yatsinze uduce dutatu twa mbere, kamwe ku manota 28 kuri 20 Heat , aka kabiri itsinda 36 kuri 16, aka gatatu 23 kuri 22 mu gihe aka nyuma Miami yagatsinze ku manota 35 kuri 19.

Amakipe yageze ku mukino wa nyuma wa NBA, aba agomba gukina imikino 6 ya nyuma(NBA Finals), gusa ikipe itanze indi gutsinda imikino 4 ihita yegukana igikombe cya NBA.

Uyu mwaka mu mukino wa wa nyuma wa NBA, LA Lakers yatsinze Miami Heat amanota 106-98, uwa 2 iwutsinda ku manota 124-114, uwa 3 watsinzwe na Miami Heat ku manota 115-104, uwa 4 LA Lakers iwutsinda ku manota 102-96, uwa 5 watsinzwe na Miami Heat ku manota 111-98 ni mu gihe uwa 6 watsinzwe na LA Lakers ku manota 106-93.

LeBron James wanabaye MVP w’imikino ya nyuma, ni igikombe cya 4 cya NBA yegukanye kuko yegukanye bibiri akinira Miami Heat, kimwe akinira Cleveland Cavaliers n’iki akinira Lakers.

Danny Green wa LA Lakers

Abasore Miami Heat bagerageje ariko biranga

Anthony Davis umwe mu bakinnyi bafashije LA Lajers muri iyi mikino ya nyuma

LeBron James yafashije LA Lakers kwegukana igikombe cya 17 cya NBA, kiba igikombe cy cya 4 yegukanye

Byari ibyishimo bikomeye kuri LA Lakers

)