Habimana Hussein, umuyobozi wa tekinike muri FERWAFA afungiwe kuri sitasiyo Kicukiro aho akurikiranyweho icyaha cyo gukoresha imibonanompuzabitsina ku gahato umwana w’umukobwa.

Amakuru avuga ko uyu mugabo amaze ibyumweru bitatu mu maboko y’ubugenzacyaha aho arimo gukorwaho iperereza kuri iki cyaha ndetse dosiye ye ikaba yaragejejwe mu bushinjacyaha.

Aya makuru yatangiye gukwira kwira ku mbuga nkoranyamba ku gicamunsi cyo kuri uyu wa Gatanu, avuga ko uyu mugabo yabeshye umwe mu bakobwa bahataniraga ikamba rya Nyampinga w’u Rwanda 2020 ko azamufasha akabona amajwi akaba yakwegukana ikamba rya nyampinga w’u Rwanda biza kurangira bitabaye. Gusa amakuru avuga ko uyu mukobwa yari afite imyaka y’ubukure.

Ubwo twageragezaga kumenya ukuri kuri iyi nkuru, ISIMBI yagerageje kuvugana n’umuvugizi wa RIB, Marie Michelle Umuhoza ariko ntibyadukundira kuko atitabaga telefoni ye, gusa akaba yari yabyemereye Funclub ko ayo makuru ari yo.

Habimana Hussein akaba afunzwe nyuma y’uko mu Kuboza 2019 yari yakoze ubukwe na Miss Shimwa Guelda wegukanye ikamba rya Miss Heritage muri Miss Rwanda 2017.

Hussein ari mu maboko y'ubugenzacyaha

Aheruka gukora ubukwe na Guelda

)