Ikipe y’igihugu y’abatarangeje imyaka 20 mu bakobwa ya Volleyball, ikomje gutsindwa umusubirizo mu gikombe cy’Isi kirimo kubera mu Buholandi.

U Rwanda rwari mu itsinda A kumwe n’u Buholandi, Argentine na Brazil aho yasoje imikino yose idatsinze n’umwe.

Yahise ijya mu cyiciro cyo guhatanira umwanya wa 9-16. Yisanze mu itsinda G na Turikiya, Argentine na Thailand.

U Rwanda rwatangiye ku munsi wo ku wa Kabiri rutsindwa na Turikiya amaseti 3-0.

Ku munsi w’ejo hashize ku wa 3, Abangavu b’u Rwanda bakinnye na Argentine yari yabatsindiye mu itsinda A, yongeye kubatsinda amaseti 3-0(12-25, 7-25,15-25).

Uyu munsi bakaba bari busoze bakina na Thailand. Mu gihe batsindwa bakwisanga mu cyiciro cy’amakipe ahatanira umwanya wa 13 na 16.

Abangavu b'u Rwanda bakomeje gutsindwa umusubirizo

)