Uyu munsi nibwo habaye tombola y’uburyo amakipe azahura mu ijonjora rya mbere ry’imikino nyafurika ya CAF Champions League na CAF Confederations League, amakipe yo mu Rwanda, APR FC na AS Kigali imwe yerekeje muri Tunisia indi iyerekeza muri Djibouti.

Ni tombola yabereye ku cyicaro gikuru cya CAF, i Cairo mu Misiri kuri uyu wa Kabiri tariki ya 9 Kanama 2022.

Ikipe ya APR FC izahagararira u Rwanda muri Total CAF Champions League ikiba yatomboye US Monastir yo muri Tunisia, bigaragara ko APR FC ari yo izabanza kwakira iyi kipe.

AS Kigali yo izakina CAF Confederation Cup yo yatomboye ASAS Djibouti Télécom yo muri Djibouti, AS Kigali izabanza gusura iyi kipe.

Biteganyijwe ko imikino ibanza izaba hagati ya tariki 9 na 11 Nzeri 2022, ni mu gihe iyo kwishyura izaba hagati tariki ya 16 na 18 Nzeri 2022.

APR FC na AS zamenye amakipe bazahura mu mikino Nyafurika

)