Uwahoze ari Umuyobozi Mukuru w’Urwego rw’Igihugu rw’Iterambere (RDB), Clare Akamanzi yagizwe Umuyobozi Mukuru wa NBA Africa.

Yahawe izi nshingano nyuma y’uko muri Nzeri 2023 yavuye ku mwanya w’umuyobozi wa RDB yagezeho muri 2017.

NBA Africa ni ikigo cya Shampiyona ya Amerika muri Basketball, gifite inshingano zo kuzamura impano muri uyu mukino ku Mugabane wa Afurika.

NBA Africa yemeje ko Clare Akamanzi azatangira izi nshingano nshya ku wa 23 Mutarama mu 2024.

Clare Akamanzi akaba asimbuye kuri uyu mwanya Victor Williams, Umunya-Sierra Leone ufite ubwenegihugu bwa Leta Zunze Ubumwe za Amerika.

Azaba afite inshingano zo gukurikirana ibikorwa by’ubucuruzi bya NBA, n’ibigamije guteza imbere impano zo ku Mugabane wa Afurika mu mukino wa Basketball no gukomeza kuzamura igikundiro cya Shampiyona ya Amerika muri Afurika.

Clare Akamanzi yagizwe umuyobozi wa NBA Africa

)