Igikombe cy’Amahoro kirakomeza uyu munsi hakinwa imikino ibanza ya 1/8, Rayon Sports irasura Intare FC ku kibuga cya APR FC igiye gukiniraho ku nshuro ya mbere.

Uyu munsi hateganyijwe imikino 2 gusa uwo Intare FC igomba kwakirira Rayon Sports kuri Stade Ikirenga iri i Shyorongi isanzwe ari iy’ikipe ya APR FC, akaba ari inshuro ya mbere Rayon igiye gukinira kuri iki kibuga kuva 2019 cyakwegurirwa iyi kipe y’ingabo z’igihugu.

Uretse uyu mukino ikipe ya Esperance FC irakira Rwamagana City ku isaha ya saa 15h00’.

Ejo ni bwo hazaba indi mikino ibanza ya 1/8 aho APR FC izaba yasuye Ivoire Olympique mu gihe Kiyovu Sports izasura La Jeunesse .

Gahunda y’imikino ibanza ya 1/8 cy’igikombe cy’Amahoro

Ku wa Kabiri tariki ya 28 Gashyantare 2023

Intare FC vs Rayon Sports
Esperance FC vs Rwamagana City

Ku wa Gatatu tariki ya 1 Werurwe 2023

Ivoire Olympique vs APR FC

Bugesera FC vs Musanze FC
La Jeunesse vs Kiyovu Sports

Sunrise FC vs Police FC
Rutsiro FC vs Mukura VS
Marines FC vs Etincelles FC

Rayon Sports igiye gukinira ku kibuga cya APR FC

)