Police FC yakoze impinduka mu buyobozi bwayo aho aho ACP (rtd) Rangira Bosco wari umuyobozi w’iyi kipe yagizwe umuyobozi wungirije n’aho ACP Yahya Mugabo Kamunuga aba ari we ugirwa umuyobozi w’iyi kipe y’abashinzwe umutekano mu gihugu.

Ibi bikubiye mu itangazo rya Polisi y’Igihugu yashyize hanze ivuga ko hakozwe impinduka mu miyoborere y’iyi kipe yayo y’umupira w’amaguru.

Bavuze ko Assistant Commissioner of Police (ACP) Yahya Mugabo Kamunuga ari we wagizwe umuyobozi wa yo, akazaba yungirijwe na ACP (rtd) Rangira Bosco nk’umwungiriza wa mbere ni mu gihe umwungiriza wa 2 ari Superintendent of Police (SP) Regis Ruzindana uzaba ushinzwe ibijyanye no kugura abakinnyi mu ikipe.

Umunyabanga w’ikipe we akaba atahindutse yagumye ari Chief Inspector of Police (CIP), Obed Bikorimana.

Police FC kandi yemeje ko Mashami Vincent wahoze atoza ikipe y’igihugu Amavubi ari we mutoza mushya w’iyi kipe, bivuze ko bamaze gutandukana na Frank Nuttall wari ku mpera z’amasezerano ye muri Police FC.

Mashami Vincent yagizwe umutoza wa Police FC

)