Rayon Sports iherutse gutangaza urutonde rw’abakinnyi 24 izakoresha mu mwaka w’imikino wa 2020-2021, gusa ngo uru si urutonde rwa nyuma kuko harimo n’abandi bakinnyi bashobora gusohoka muri iyi kipe bitewe n’abo bari mu biganiro.

Tariki ya 7 Ukwakira 2020, Rayon Sports ni bwo yatangaje urutonde rw’abakinnyi 24 izakoresha mu mwaka w’imikino wa 2020-2021, icyo gihe iyi kipe yari yasezereye abakinnyi 9.

Murenzi Abdallah avuga ko uru rutonde atari ntakuka kuko hari abandi bakinnyi bari mu biganiro bityo ko muri abo 24 hari abandi bashobora kwisanga basezerewe.

Ati“birashoboka, ruriya ni urutonde rw’ibanze ariko umutoza akomeje kugenda areba abo twakomezanya abandi tube twabarekura bajye gushakira ahandi.”

Avuga ko bitarenze iki cyumweru, Rayon Sports izaba yamaze gutanga urutonde ntakuka rw’abakinnyi izakoresha mu mwaka utaha w’imikino wa 2020-2021.

Rayon Sports ishobora kurekura abandi bakinnyi

)