Umutoza w’umunya-Ireland watoje ikipe y’igihugu Amavubi, yamaze kugirwa umutoza w’ikipe ya Gor Mahia yo muri Kenya.

Jonathan watoje Amavubi muri 2015 kugeza 2016 agahita yongerwa amasezerano y’imyaka 2 ariko nyuma y’amezi 5 ahita yirukanwa byatumye arega FERWAFA maze FIFA itegeka u Rwanda kumwishyura ibihumbi 182 by’amadorali.

Uyu mutoza rero yahise ajya gutoza muri Lithuania mu ikipe ya Kauno Zalgiris na Saif SC yo muri Bangladesh, nyuma muri 2019-2021 yatoje ikipe y’igihugu ya Uganda.

Nyuma yo gutandukana na Uganda, Jonathan McKinstry nta y’indi kipe yari yagatoje ubu akaba yamaze kugirwa umutoza wa Gor Mahia ikipe y’ubukombe muri Kenya.

Jonathan McKinstry yamaze kugirwa umutoza wa Gor Mahia

)