Umuraperi ukomeye ku Isi ukomoka muri Amerika, mu ndirimbo ye nshya yise ‘Jesus Lord’, yavuze uburyo Leta Zunze Ubumwe za Amerika izasenywa n’umutingito kubera ibyo Perezida George Bush yakoreye u Rwanda.

‘Jesus Lord’ ni indirimbo nshya ya Kanye West iri kuri Album ye yise ‘’Donda’’ yasohotse.

Iyi ndirimbo ifite iminota 9, mu gitero cya kabiri Kanye West agaruka ku kuntu iki gihugu gishobora kuzanywa n’umutingito bitewe n’ibyo Perezida George Bush yakoreye u Rwanda.

Hari aho agira ati “umutingito uzarimbura iki gihugu bitewe n’ibyo Bush yakoreye u Rwanda.” Yahise akurikizaho ijambo riri mu dukubo(Facts) bishatse kuvuga ‘Ibintu bifatika’, bivuze ko yashakaga kuvuga ko ibyo avuga ari ukuri. Uyu murongo w’iyi ndirimbo yawukomeje agira ati “ibyo ba Clinton bakoreye Haiti…’’

George Bush wabaye Perezida wa 43 wa Leta Zunze Ubumwe za Amerika, yagiye ashinjwa kuba yarahonyoraga uburenganzira b’Abanyamerika baturuka muri Afurika.

Muri iyi ndirimbo kandi Kanye West yikomye Universal Music Group yashyize hanze iyi alubumu batabyumvikanyeho.

Ndonda ikaba iriho indirimbo 27 zirimo izo yakoranye n’abahanzi bakomeye nka Lil Baby, Jay –Z n’abandi.

Kanye Wast yavuze ko ibyo Bush yakoreye u Rwanda bishobora kuzateza Amerika umutingito

Bush wabaye Perezida wa Amerika, Kanye West yavuze ko ibyo yakoze bishobora kuzateza ibibazo iki gihugu

)