Ikipe ya Rayon Sports idafite umutoza mukuru yatsinze As Kigali mu mukino bahuriyemo ku munsi wo gufungura Igikombe cy’Amahoro kuri wa Kabiri tariki ya 4 Kamena 2019.

Igitego cya Rayon Sports cyabonetse ku munota wa 90 gitsinzwe na Mutsinzi Ange Jimmy.

Umukino wa Rayon Sports na AS Kigali wabereye kuri Stade ya Kigali i Nyamirambo kuri uyu wa Kabiri ari nabwo imikino y’Igikombe cy’Amahoro yatangiye.

Ni umukino wari komeye ku mpande zombi ndetse watanzwemo ikarita itukura ku ruhande rwa As Kigali, yahawe Nsabimana Eric ku munota wa 92 ku ikosa yarakoreye Rafael Jonathan.

Uyu mukino wagombaga gutangira saa cyenda zuzuye ariko umusifuzi yahushye mu ifirimbi zirenzeho iminota umunani.

Ikipe ya Rayon Sports yatangiranye ishyaka no gushyira igitutu cyinshi kuri AS Kigali. Igice cya mbere cyarangiye amakipe anganya ubusa ku busa, Rayon Sports yari yagiye ibona amahirwe mensho yo kubona igitego ariko abakinnyi bayo ntibabashe kuboneza mu izamu.

Igice cya kabiri cyatangiranye imbaraga ku mpande zombi ,ku munota wa 58 haboneka koruneli y’ikipe ya Rayon sports iterwa na Manishimwe Djdabel, umupira yateye wafashwe n’abakinnyi ba AS Kigali barawumanukana bagera imbere y’izamu rya Rayon Sports ariko bawuteye ujya hanze.

Haje kubaho gusimbuza ku ruhande rwa AS Kigali, Ishimwe Kevin aha umwanya Nova Bayama ku munota wa 69’w’umukino ngo barebe ko hari icyo byatanga ku bijyanye n’ubusatirizi gusa ntibyaje kubahira kuko byarangiye n’ubundi batsinzwe.

AbakinnyiRayon Sports yabanjemo : Mazizimpaka Andre(30), Manzi Thierry(4), Iradukunda Eric Radu(14), Habimana Hussein(20), Mutsinzi Ange(5), Irambona Eric(17), Donkor Prosper(8), Imanishimwe Djabel(10), Mugisha Francois(25), Sarpongo Michel(19), Mugisha Gilbert(12).

Abasimbura: Bashunga Abouba(1), Raphael Jonathan Da Slva(11), Mudeyi Suleimani(13), Bukuru Christophe(18), Rutanga Eric(3),Nyandwi Saddam(16), Tuyishime Eric(15).

Umutoza:Wagner Do Nascimento

Abakinnyi AS Kigali yabanjemo: Bte Shamiru(21), Ntamuhanga Tumaine Titi(12), Niyomugabo Claude(23), Bishira Latif(5), Rurangwa Mossi(4) ,Nsabimana Eric(30), Cyitegetse Bougard(8), Mwenedata Janvier(3), Ndarusanze JEAN Claude(11), Ishimwe Kevin(17), Ssetongo Frouk(10).

Abasimbura: Hategekimana Bonheur(18), Nova Bayama(13), Nshimiyimana Marc(16), Kanamugire Moses(14), Ninahazwe Fabrice(19), Nshimiyimana Ibrahim(6), Murengezi Rodrigue(7).

Umutoza :Mateso Jean de Dieu

Uko indi mikino yarangiye :

Mukura Victory Sports 3-0 Unity
Hope 2-2 Gasogi United.

Imikino yo kwishyura iteganyijwe ku wa Kane tariki ya 6 Kamena 2019 ari nabwo hazarebwa amakipe azajya mu kindi cyiciro.

Abakinnyi ikipe ya AS Kigali yabanje mu kibuga

Abakinnyi Rayon Sports yabanjemo

Mugisha Gilbert ahanganye na Bishira Latif

Manishimwe Djabel agundagurana na Niyomugabo Claude wa AS Kigali

Umutoza wungirije wa Rayon Sport ni we wakoze akazi

Umuzamu wa AS Kigali yagaragaje kuburana cyane muri uyu mukino

)