Ikipe ya APR FC yamaze gusesekara mu gihugu cya Maroc aho igiye gukina umukino wo kwishyura w’ijonjora rya nyuma rya CAF Confederation Cup na RS Berkane, ni umukino uzaba ku munsi w’ejo ku Cyumweru.

Ikipe ya APR FC yahagurutse mu Rwanda ku munsi w’ejo hashize ku wa Gatanu tariki ya 3 Ukuboza 2021, ikaba yaragiye n’indege yayo yihariye bitewe n’uko ki gihugu cyahagaritse ingendo zose z’indege kubera icyorezo cya Coronavirus.

Iyi kipe ikaba yageze muri Maroc mu ijoro ryakeye, bikaba biteganyijwe ko uyu munsi bari bukorere imyitozo ku kibuga Stade Municipal de Berkane ari nayo izakinirwaho uyu mukino.

Abakinnyi ba APR FC bose bameze neza nta kibazo uretse myugariro Karera Hassan utarajyanye n’ikipe kubera ikibazo cy’imvune.

Biteganyijwe ko uyu mukino uzaba ku munsi w’ejo ku Cyumweru tariki ya 5 Ukuboza 2021 saa 20:00’.

Yagiye n'indege yayo yihariye

Basesekaye muri Maroc aho bagiye gukina na RS Berkane

Nsabimana Aimable amanuka mu ndege

Myugariro Buregeye Prince asohoka mu ndege

)