Icyo Shangazi umufana wa APR FC urembye asaba ubuyobozi bw’iyi kipe
Kanzayire Console uzwi nka Shangazi, umufana ukomeye cyane w’ikipe ya APR FC ubarizwa mu itsinda rya ’Online Fan Club’ umaze umwaka urenga arwaye kanseri yo mu muhogo, yasabye ubuyobozi bw’iyi kipe kumufasha akivuza agakira.
Uyu mubyeyi wari urwariye mu Bitaro bya Gisirikare i Kanombe, yabwiwe ko ikibyimba afite mu muhogo mu Rwanda nta bushobozi bwo kivura bisaba ko ajya mu Buhinde kwivurizayo, akaba ategereje raporo yo kwa muganga kugira ngo amenye icyo asabwa.
Shangazi ubu urwariye iwe mu rugo, ejo itsinda ry’abafana ba APR FC rya Online Fan Club baramusuye aho atuye i Kanombe, bamushyikiriza ibahasha irimo bumwe mu bufasha bwo kuba bumufasha muri iyi minsi.
Shangazi yavuze ko ubu akeneye ubufasha bwa buri mwe kugira ngo ajye kuvurwa, gusa ngo ategereje raporo yo kwa muganga kuko ari bwo azemenya ibyo asabwa byose.
Ati "Ikibyimba ntabwo cyakize, ubu ndi mu rugo, kubera binsaba kumbaga, bambwiye ko byaba byiza ngiye mu Buhinde kuko hano bambwiye ko batabikora, icya mbere bisaba ni ubushobozi nimbona raporo yo kwa muganga hari umuntu nzayoherereza uri mu Buhinde akambariza ibitaro bivura neza bidahenze, icyo gihe nzahita menya ubushobozi binsaba."
Yasabye ubuyobozi bwa APR FC kuba bwamufasha kwivuza cyane ko babifitiye ubushobozi, akaba anizeye ko namara kumenya ibisabwa izagira icyo akora.
Ati "Ubuyobozi bwa APR FC nk’umufana wabo ndabizi bo bafite ubushobozi bwo kumvuza bitanaciye n’ahandi, kandi ndabizi ko nimbona raporo yo kwa muganga nziko nabo bazagira icyo bakora, ubuyobozi burabizi ko ndwaye kandi hano byabananiye nkeneye ubuvuzi bwisumbuye, ndibaza ko nabo bazagira icyo bakora."
Yashimiye cyane Online Fan Club uburyo bamubaye hafi mu burwayi bwe, yaba igihe yari mu bitaro, na nyuma yaho bakaba bakomeje kumwitaho.
Online Fan Club abarizwamo ikaba isaba umusiporutifu wese ufite umutima w’urukundo ko yagira icyo afasha Kanzayire Console kugira ngo abone ubuvuzi akire, uwakenera kumufasha yanyura kuri telefoni ye bwite 0788528267 (Kanzayire Console).
Ibitekerezo
SABATO Vital
Ku wa 19-02-2022Uwo mubyeyi ndamuzi ni umufana ukomeye cyane njyewe ndi kayonza nkunda APR nabayo Bose ndi mwampa number ye inkunga yanjye igatwangwa
SABATO Vital
Ku wa 19-02-2022Uwo mubyeyi ndamuzi ni umufana ukomeye cyane njyewe ndi kayonza nkunda APR nabayo Bose ndi mwampa number ye inkunga yanjye igatwangwa
TWIZERIMANA JEAN DAMASCE
Ku wa 19-02-2022NUKURI SHANGAZI AKWIRIYE UBUFASHA ,NK,IKI YA APR FC
Twizerimana anaclet
Ku wa 18-02-2022Nkunda rayon sport mudufashe mwite kuvandimwe onana.arakenewe
ndayishimiye fujanc
Ku wa 18-02-2022nu kumufash
ntwari sadockc
Ku wa 18-02-2022Birakwiye liberal tabs arigikorwa cyurukundo juri mugenzi wavy dufatanyije gufana Aprfc