Siporo

Police FC yabambiwe i Golgotha umugande atsinda igitego gifungura shampiyona, AS Kigali itsinda Etincelles

Police FC yabambiwe i Golgotha umugande atsinda igitego gifungura shampiyona,  AS Kigali itsinda Etincelles

Shampiyona y’icyiciro cya mbere mu Rwanda mu mupira w’amaguru 2022-23 yatangiye uyu munsi AS Kigali itsinda Etincelles 2-0 ni mu gihe Police yatsinzwe na Sunrise FC 1-0.

Uyu munsi hateganyijwe imikino 4 aho 3 yarangiye, hagiye gukurikiraho uwo APR FC yakira Musanze. Indi mikino 4 izaba ku munsi w’ejo.

Umugande ukinira ikipe ya Sunrise FC, Brian Ssali ni we watsinze igitego gifungura shampiyona ya 2022-23.

Ni igitego yatsinze Police FC ku munota wa 5 mu mukino Sunrise batsinzemo iyi kipe y’abashinzwe umutekano 1-0.

Undi mukino wabaye ni uwo Espoir FC yatsinzemo Marines i Rusizi 1-0 cya Irokan Samson Ikechuku.

Muri Stade Regional i AS Kigali yari yakiriye Etincelles FC ibitego 2-0 bya Shabani Hussein Tchabalala ku munota wa 32 na 37.

Imikino y’umunsi wa 1 izaba ejo

Rwamagana City vs Gorilla FC
Rayon Sports vs Rutsiro
Gasogi United vs Mukura VS
Bugesera FC vs Kiyovu Sports

Rutahizamu Man Ykre yatanze akazi
Kalisa Rashid yari ahagaze neza
Juma Lawrence, umukinnyi mushya wa AS Kigali ahagaze neza
Bishimira ibitego bya Tchabalala
)

Tanga igitekerezo

Ibitekerezo

IZASOMWE CYANE

To Top