Bushayija Leonard, wahoze ayobora ikipe ya Kiyovu Sports yitabye Imana ku munsi w’ejo azize indwara.

Urupfu rwe rukaba rwamenyekanye ku mugoroba w’ejo hashize ku Cyumweru tariki ya 11 Ukwakira 2020, gusa indwara yamwishe ntiratangazwa ariko akaba yari amaze iminsi arwaye impyiko.

Inkuru ya Kababaro, Umusaza wacu Bushayija Leonard Amaze kwitaba Imana,umuryango wa Kiyovu wifatanyije mu akababaro n'umuryango wa Muzehe Leonard Imana imwakire Mubayo, kandi ikomeze abasigaye, ikipe itakaje umugabo w'ingirakamaro,umwe mubayibereye abayobozi beza.@FERWAFA pic.twitter.com/OVl66jkxTN

— The Official Account of SC Kiyovu (@SCKiyovuSports) October 11, 2020

Kiyovu ibinyujije ku rukuta rwayo rwa Twitter, ikaba yababajwe n’urupfu rw’uyu musaza wayoboye Kiyovu Sports, ndetse bihanganisha umuryango we.

Bushayija Leonard yayoboye Kiyovu Sports kuva 1995-1998 ari visi perezida, 1998-2002 yari perezida wa Kiyovu Sports. Muri 2019 yaje gutorerwa kuyobora Komisiyo yo kuyobora Kiyovu Sports aho yaje gusimbirwa na komite ya Mvuyekure Francois bagiye gusinya amasezerano na Azam.

Bushayija Leonard akaba yari muri komisiyo yateguye amatora ya Kiyovu Sports yabaye ku wa 27 Nzeri 2020, aho yari ashinzwe kubarura amajwi

Bushayija Leonard yitabye Imana

)