Amafoto yaranze umusangiro w’abazavamo Nyampinga w’u Rwanda n’abo basimbuye
Abakobwa bahatanira ikamba rya Nyampinga w’u Rwanda muri uyu mwaka bahuriye mu musangiro na bamwe muri bagenzi babo batowe mu mwaka ushize nyuma yo guhiga no guhigura mu gitaramo cy’imihigo mvarugamba na njyarugamba.
Iki gikorwa cyabaye ku mugoroba wo kuri uyu wa Kane, tariki ya 24 Mutarama 2019, muri Golden Tulip Hotel yakiriye aba bakobwa i Nyamata, cyabaye n’abakobwa batanu basezerewe mu mwiherero bose bahari.
Abakobwa bose bari biyamamaje muri uyu mwaka bari baserutse mu myambaro ya Made In Rwanda kuri ubu isigaye ihagarariwe na Miss Iradukunda Elsa wagizwe Ambasaderi wayo mu Rwanda.
Muri uyu musangiro wo mu mwiherero wa Nyampinga w’u Rwanda wa 2019 hatangiwe amakamba atatu arimo irya nyampinga uberwa n’amafoto, uw’umurage ndetse n’uwabanye neza na bagenzi be.
Nyampinga wabanye n’abandi neza yabaye Tuyishimire Cyiza Vanessa wari wambaye nimero esheshatu, uw’umurage agirwa Kabahenda Ricca Michaella wari wambaye nimero icyenda naho uberwa n’amafoto aba Muyango Uwase Claudine wari wambaye nimero imwe.
Ikamba rya Miss Congeniality rya Tuyishimire Cyiza Vanessa yaryambitswe na Ndahiro Lilian wari waryegukanye umwaka ushize, Kabahenda Ricca Michaella wabaye Nyampinga w’Umurage we yarihawe na Dushimimana Lydia naho Muyango Uwase ahabwa ikamba na Iradukunda Liliane wari wabaye uberwa n’amafoto umwaka ushize.
Abakobwa 15 basigaye mu irushanwa ni bo bazahurira mu birori bikomeye byo gutora Nyampinga w’u Rwanda bizaba ku wa 26 Mutarama 2019 habe Grand Finale muri Intare Conference Arena i Rusororo.
Amafoto: FOCUSiCON
)
Ibitekerezo
Prime Bigirimana
Ku wa 25-01-2019Nshygikiye Josiane Mwiseneza kuko vox pupuli vox dei. Azabe Miss R