Mugabe Sheilla umwe mu bakobwa bahataniye ikamba rya Nyampinga w’u Rwanda, avuga ko umunsi atangazwa mu bakobwa 37 bahataniye ikamba rya Miss Rwanda 2021, se byamutunguye cyane ko atari azi ko yagiye muri iri rushanwa.

Uyu mukobwa w’imyaka 19 ufite nimero 19 muri Miss Rwanda, ahagarariye Intara y’Iburasirazuba, mu kiganiro n’ikinyamakuru ISIMBI yavuze ko umushinga we azanye mu irushanwa ari umushinga w’ubuhinzi bugezweho(Modern Agriculture) aho yifuza ko y’amazi yo mu gihe cy’imvura igwa akangiza ibihingwa yafatwa akajya yifashishwa muri cya gihe izuba riba riva cyane ku buryo nta kintu cya kwera.

Avuga ko se atari azi ko yitabiriye iri rushanwa rya Nyampinga w’u Rwanda yabibonye amaze gutsinda bikamutungura.

Yagize ati“Mama wanjye yarambwiye ngo urabona bya bintu nakuwiraga, papa we ntabyo yari azi, ni uwo munsi yari agiye kubimenya. Nitwe twabimweretse akatubwira ngo Miss Rwanda ko muyinyereka habaye iki? Tukamubwira ngo yewe reba.”

“Yabonye najemo aravuga ngo ko udakunda kuvuga no mu bantu byagenze bite? Ndamubwira nti nyine nigiriye icyizere njyamo mu bantu 416 nje muri 37, yaratunguwe yumva ari ibintu bikomeye kuza muri abo bantu 37, ahita ambwira ati’bikore’.”

Avuga ko ba nyampinga bose babayeho uwo afatiraho icyitegererezo ari Mutesi Jolly wegukanye ikamba rya Miss Rwanda 2016.

Ati“Bose ndabakunda ariko Jolly mufatiraho icyitegererezo cyane, kuko arakora cyane, iyo umubonye uba ubona ari umuntu uzagera kure, kwa kundi ubona umuntu ukavuga ngo uriya muntu azagera kure, numva naba nkawe ku buryo n’abantu bazajya bavuga ngo kariya kana kazaba akuntu gakomeye.”

Avuga kandi ko yifiteye icyizere yumva azaza mu bakobwa 20 bazajya mu mwiherero(boot camp) izatangira ku wa 6 Werurwe 2021.

Se yaratunguwe kumva ko yaje mu bakobwa 37

Umushinga we ni uw'ubuhinzi

Mugabe Sheilla avuga ko yifitiye icyizere azegukana ikamaba rya Nyampinga w'u Rwanda

Miss Mutesi Jolly ni we afatiraho icyitegererezo

MUTABAZI Robert / ISIMBI.RW

)