Umutoni Pamela ageze kure imyiteguro yo gukorana ubukwe n’umusore bamaze igihe kirenga umwaka bakundana, imihango y’ibanze bamaze kuyikora hasigaye kujya imbere ya Padiri.

Umutoni Pamela yasezeranye imbere y’amategeko na Murenzi Kevin ku wa Gatanu tariki ya 31 Gicurasi 2019 mu muhango wabereye mu Murenge wa Kimironko; buceye bw’aho tariki ya 1 Kamena 2019 haba umuhango wo gusaba no gukwa.

Nyuma y’uko Murenzi Kevin atanze inkwano mu muryango wa Miss Umutoni Pamela, ku wa 8 Kamena 2019 hazaba ibirori byo guhana isezerano imbere y’Imana mu gitambo cya misa kizabera kuri Saint Michel.

Umutoni Pamela ubu afite imyaka 21 y’amavuko, ni umwe mu bakobwa 15 bahataniye ikamba rya Miss Rwanda 2017 ryegukanwe na Iradukunda Elsa.

Uyu mukobwa agiye kurushinga nyuma ya mugenzi we Umutoni Uwase Belinda na we warushinze nyuma gato yo guhatanira ikamba rya Miss Rwanda.

)