Ally Niyonzima umukinnyi w’ikipe y’igihugu ubu udafite ikipe, ari mu rukundo n’umunyarwandakazi w’umunyamideli witwa Monica ukoresha amazina ya Muni Bosslady ku mbuga nkoranyambaga.

Uyu mukinnyi ukina mu kibuga hagati wasoje amasezerano muri Rayon Sports, ntiyakunze kuvugwa cyane mu nkuru z’urukundo, ndetse uyu mukobwa bakundana ni na we wahishuye ko bakundana dore ko ari na we washyize ifoto ye bari kumwe hanze.

Monica ari mu rukundo na Ally Niyonzima nyuma y’uko muri 2018 yapfushije umugabo we basezeranye wavukaka i Rubavu kimwe n’uyu mukobwa, witwa Kapaya Christus.

Ashimangira urukundo rwe na Ally Niyonzima, aherutse gushyira ifoto yabo kuri Insta story iherekezwa n’ijambo rigira riti “rukundo rwanjye”.

Si ibyo kuko no muri Bio ye ya Instagram, Muni Bosslady uba New Zealand yashyizemo Muni N8(N: Isobanuye Niyonzima mu gihe 8 ari nimero uyu muhungu akunda kwambara iyo ari mu kibuga akina).

Niyonzima amakuru avuga ko atajya yifuza kuba yashyira hanze iby’urukundo rwe kuko aba yumva byaba ibanga, gusa umukobwa we kwihangana bikaba byaramunaniye abisangiza inshuti.

Monica aryohewe n'urukundo

Monica yahishuye ko ari mu rukundo na Ally Niyonzima

Muni Bosslady

Ally Niyonzima ntakunze gushyira hanze iby'urukundo

)