Ibitego bya APR FC byatsinzwe na Niyibizi Ramadhan na Bizimana Yannick byahesheje intsinzi iyi kipe y’ingabo z’igihugu imbere ya Rutsiro FC.

Wari umukino usoza umunsi wa 13 aho APR FC yatangiye neza kuko amakipe yagiye kuruhuka ari 1-0 cyatsinzwe na Niyibizi Ramadhan ku munota wa 43.

Iyi kipe yari yakomeje gushakisha ibitego byinshi, yaje kubona igitego cya 2 cyatsinzwe na Bizimana Yannick ku munota wa 66.

Rutsiro yari imbere y’abafana ba yo yagerageje uko yakwishyura ibi bitego ariko biranga umukino urangira ari 2-0.

Nyuma y’umunsi wa 13, Rayon Sports ni yo iyoboye urutonde rwa shampiyona na 28, AS Kigali ya kabiri ifite 27, Kiyovu Sports na APR FC zifite 24, Gasogi United ikagira 22 ni mu gihe Police FC na Musanze FC zifite amanota 20.

Uko umunsi wa 13 wagenze

Tariki ya 10 Ukuboza 2022

Kiyovu Sports 1-0 Police FC
Marines FC 0-0 Gorilla FC

Tariki ya 11 Ukuboza

AS Kigali 4-0 Espoir FC
Mukura 0-1 Bugesera FC
Musanze FC 0-1 Gasogi United
Etincelles FC 3-2 Rayon Sports
Sunrise FC 5-1 Rwamagana City

Ku wa Mbere tariki ya 12 Ukuboza 2022

Rutsiro FC 0-2 APR FC

Niyibizi Ramadhan watsinze igitego cya mbere

Lague yagoye Rutsiro FC

Ntabwo byari byoroshye

Manishimwe Djabel yari yagarutse muri 11 babanza mu kibuga

Abafana bari bayiherekeje

AMAFOTO: Jules

)