Kapiteni w’ikipe y’igihugu y’u Bwongereza, akaba rutahizamu wa Bayern Munich, Harry Kane ni we wegukanye Ballon d’Or mu gihe Kylian Mbappe wahabwaga amahirwe yatashye amara masa.

Ni mu bihembo byatangiwe London Palladium Theatre, mu Mujyi wa London mu Bwongereza mu ijoro ryo ku wa Mbere tariki ya 26 Ukwakira 2026.

Ibi bihembo bya France Football, umuhango wayobowe na Thierry Henry wakanyujijeho mu makipe atandukanye arimo Arsenal na Barcelona ndetse n’ikipe y’igihugu y’u Bufaransa.

Rutahizamu ukiri muto, Lamine Yamal wa FC Barcelona n’ikipe y’igihugu ya Espagne, ni we wegukanye Igihembo cya ‘Kopa Trophy’ gihabwa umukinnyi mwiza mu batarengeje imyaka 21, acyegukanye ku nshuro ya gatatu yikurikiranya aho 2024 na 2025 ari we ukibitse.

Mu bagore cyegukanywe na Victoria López Serrano Felix na we ukinira FC Barcelona wagitwaye bwa kabiri.

Igihembo cya Yashin Trophy gihabwa umunyezamu mwiza cyahawe Unai Simon wa Athletic Bilbao n’Ikipe y’Igihugu ya Espagne mu gihe mu bagore cyatwawe na Cata Coll ukinira FC Barcelone y’Abagore na Espagne.

Igihembo cya Socrate Trophy gihabwa uwakoze ibikorwa by’indashyikirwa mu bikorwa by’ubugiraneza cyahawe Bukayo Saka wa Arsenal aho binyuze mu muryango we witwa BigShoe, yavuze inkuru y’umwana wo mu Rwanda wamutumye ku bitabiriye ibirori aho yavuwe ubuhumyi binyuze muri uyu muryango we.

Rutahizamu wa Bayern Munich n’Ikipe y’Igihugu y’u Bwongereza, Harry Kane na Charlyn Corral wa CF Pachuca y’abagore, bahawe igihembo kizwi nka Gerd Müller Trophy gihabwa rutahizamu mwiza.

Ballon d’Or ya 2026 ikaba yaje kwegukanwa na Harry Kane ahigitse abarimo Kylian Mbappe wabaye uwa kabiri ariko akaba nta gihembo na kimwe yegukanye uyu munsi na Lamine Yamal wabaye uwa gatatu.

Mu bagore cyegukanywe n’umunya-Espagne ukinira London City Lionesses mu Bwongereza, Alexia Putellas.

Umutoza mwiza w’umwaka yabaye Luis de la Fuente utoza Ikipe y’Igihugu ya Espagne, akaba yaregukanye Igikombe cy’Isi cya 2026, ndetse Pere Romeu utoza FC Barcelone y’Abagore agihabwa mu bagore.

Ikipe nziza y’umwaka mu bagabo yabaye Paris Saint-Germain mu gihe mu bagore yabaye FC Barcelona.

Unai Simon ni we wabaye umunyezamu mwiza

Bukayo Saka yahawe igihembo cy'umukinnyi wakoze ibikorwa by’indashyikirwa

Lamine Yamal yegukanye icy'umukinnyi ukiri muto mwiza

Kylian Mbappe yatashye amara masa

Harry Kane yegukanye Ballon d'Or 2026

Yagushyikirijwe na Ronaldo Gifaru

Alexia Putellas mu bagore ni we wegukanye Ballon d'Or

)