Ku munsi w’ejo ikipe ya Rayon Sports izakira Espoir FC mu mukino w’umunsi wa 18, ikaba izaba idafite bamwe mu bakinnyi bayo bagera kuri 6 bitewe n’impamvu zinyuranye.

Ni umukino uzaba ku munsi w’ejo tariki ya 18 Mutarama 2020, ukazabera kuri Stade Regional saa 15:00’.

Iyi kipe ya kabiri ku rutonde ikaba izakina idafite bamwe mu bakinnyi bayo bamaze iminsi bayifasha barimo umunyezamu nimero ya mbere, Kimenyi Yves wakomeretse.

Izaba idafite kandi myugariro Iradukunda Eric Radu utemerwe gukina umunsi wa 18 kubera amakarita y’imihondo, ntizaba ifite Iranzi Jean Claude wagiye mu ieragezwa mu Misiri.

Abakinnyi 2 bashya b’iyi kipe, Kayumba Soter na Drissa Dagnogo na bo ntabahari kubera ko batarabona ibyangombwa bibemerera gukina.

Rutahizamu Sugira Ernest yagiriye ikibazo cy’imvune ku mukino wa AS Kigali, ibi bizatuma ataboneka ku munsi w’ejo.

Iranzi(uri hagati) na Kimenyi(iburyo) ntibazakina uyu mukino

Sugira Ernest afite imvune yakuye ku mukino wa AS Kigali

Iradukunda Eric Radu ntazakina ejo kubera amakarita y'imihondo

)