Umunya-Espagne, Rodriguez Martin Christian ukinira ikipe ya Total Direct Energie ni we wegukanye Tour du Rwanda 2021, umunyarwanda waje hafi yabaye uwa 24.
Uyu munsi nibwo hasojwe Tour du Rwanda 2021, iri siganwa ryabaga ku nshuro ya 13 ribaye mpuzamahanga ryari ku nshuro 3 riri ku rwego rwa 2.1.
Uyu munsi hakinwaga agace ka nyuma ku ntera y’ibilometero 75,3, bahagurikiye kuri Canal Olympia ari naho basoreje (Rebero- Merez Gikondo-Rwandex- Konogo- Gikondo round about- Rwarutabura-Miduha- RP Nyamirambo- Kwa Mutwe- Onatracom- Apacope- Kinamba- Kanogo- Rugunga- Segeem bazenguruka 3) .
Aka gace kaje kwegukanwa n’umunya-Espagne, Rodriguez Martin Christian wari ufite umwenda w’umuhondo, yakoresheje amasaha 2 iminota 5 n’asegonda 5, yarushije umunya-Canada Piccoli James wabaye uwa 2 mu gihe umunya-Ertrea, Hoehn Alex wabaye uwa 3 yarushijwe amasegonda 14.
Muri aka gace umunyarwanda waje hafi ni Byukusenge Patrick wabaye uwa 22 na Manizabayo Eric wabaye uwa 23 bose ni aba Benediction Ignite barushijwe iminota 2 n’amasegonda 3.
Iyi Tour du Rwanda yaje yegukanywe na Rodriguez Martin Christian wakoresheje amasaha 22 iminota 49 n’amasegonda 51, umunyarwanda waje imbere ni Manizabayo Eric wabaye uwa 18 asizwe 15’52", Byukusengeabaye uwa 23 asizwe iminota 37 n’amasegonda 30.
Uko abakinnyi bahembwe muri Tour du Rwanda 2021
Umukinnyi wegukanye etape ya munani: Rodriguez Martin Cristian (Total Direct Energie):
Umukinnyi wegukanye Tour du Rwanda 2021 agatahana umwenda w’umuhondo utangwa na VISIT RWANDA: Rodriguez Martin Cristian (Total Direct Energie)
Umukinnyi warushije abandi guterera imisozi wahembwe na COGEBANQUE: Teugels Lennert (Tarteletto- Isorex)
Umukinnyi warushije abandi kubaduka muri sprint agahembwa na SP: Teugels Lennert (Tarteletto- Isorex)
Umukinnyi muto witwaye neza agahembwa na PRIME INSURANCE: Alan Boileau (B&B Hotels)
Umunyafurika witwaye neza agahembwa na RWANDAIR: Zerai Nahom (Eritrea)
Ikipe yitwaye neza uyu munsi igahembwa na INYANGE INDUSTRIES: B&B Hotels
Ibitekerezo